POEZIA
DHE PIKTURA SHQIPTARE NË DY BOTIME GJERMANE
Nga Ferdinand Laholli
Botimet e herëpashershme
të krijuesve shqiptarë në gjuhë të huaja dëshmojnë
gjithnjë e më shumë për një interesim të
botës 
letrare
ndaj kulturës sonë. Edhe dy botimet e njëpasnjëshme
të sapovëna në qarkullim: "Poesie und Malerei"
dhe "Nocturno" të entit "Edition Wendepunkt"
me seli në Weiden të Gjermanisë, janë një pohim
i tillë. "Poesie und Malerei" (Poezi dhe piktura) me
numër porosie ISBN 3-935841-54-X, është një botim
kalendarik me krijime në poezi e pikturë të autorëve
nga bota. Në të janë përfshirë edhe poezi nga
Mustafë Xhemaili, Ferdinand Laholli e Isuf Sherifi, si dhe punime
në pikturë nga Zenun Sherifi, profesor në Universitetin
e Tetovës, dhe Eriol Laholli, student në "Southern Connecticut
State University" të New Haven/U.S.A. Përjashtuar këtij
të fundit, autorët e lartpërmendur 
përfshihen
me punimet e tyre edhe në botimin antologjik "Nocturno",
me numër identiteti ISBN 3-935841-61-2. Botimet janë hartuar
nga shkrimtarja Betti Fichtl, e cila është edhe drejtuesja
e Shtëpisë Botuese "Wendepunkt".
