Komente, analiza, opinione, krijimtarie e emigrantëve, gjithshka që ju shqetëson do të jetë objekt i "Tribuna e Emigrantit Shqiptar". Kontaktoni TESH
Serbia një shtet gangëster
Nga Joe Dioguardi & Shirley Cloyes DioGuardi
“Me nostalgjinë e pashqyrtuar për Jugosllavinë e Titos dhe nocionet false të përparësive ekonomike në Serbi, Uashingtoni dhe Brukseli kanë fshehur për katër vitet e kaluara faktin që Serbia ishte më pranë një shteti gangster se sa një demokracie”.
--Shirley Cloyes DioGuardi
nga “Serbia: Rrëzimi i miteve”
Të dashur miq shqiptaro-amerikanë,
Për muaj kemi dëgjuar rreth nevojës së ndryshimit të rregjimit në Irak, që tashmë është shumë pranë.Por nuk kemi dëgjuar rreth nevojës së ndryshimit të rregjimit në Serbi.Ky diskutim duhet të fillojë së shpejti – tani që Serbia e pasluftës është de-maskuar si një shtet i kontrolluar nga krimi, në të cilin anëtarë të botës së nëndheshme të Beogradit, policia sekrete, dhe establishmenti sundues vranë kryeministrin serb Zoran Xhinxhiq me 12 mars. Qysh nga vrasja, më shumë se 2 mijë serbë janë arrestuar në përpjekje për të shkallmuar rrjetin kriminal që çoi në eleminimin e Xhinxhiqit.
Megjithatë, ashtu siç vë në dukje Shirley Cloyes DioGuardi në “Serbia: Rrëzimi i miteve” (Ju lutemi, klikoni këtu për tekstin anglisht ose shqip), nuk mjaft të arrestosh mbeturinat kriminale të epokës së Millosheviçit. Serbia nuk do të bëhet një demokraci e vërtetë, dhe nuk do të ketë paqe dhe stabilitet në Ballkan deri atëherë kur i gjithë vendi të konfrontojë historinë e racizmit të tij dhe gjenocidin kundrejt shqiptarëve dhe jo-sllavëve të tjerë.
Liga Qytetare Shqiptaro Amerikane beson se tani është koha për të këmbëngulur që e ardhmja e Kosovës nuk mund të lidhet me atë të Serbisë. Siç shkroi botuesi Blerim Shala në Zëri me 8 prill, “Të gjitha argumenten e mundshme të dikujt në Perëndim që të na urojnë të mirën dhe në të njëjtën kohë të përpiqen për një lloj kompromisi me Beogradin kanë shterruar.”Ne besojmë se pavarësia është i vetmi opsion i mundshëm dhe se nuk duhet të ketë asnjë lloj negociimi ndërmjet Prishtinës dhe Beogradit deri atëherë kur pavarësia të jetë garantuar.
Si Lobi i vetëm i rregjistruar në Uashington, DC, Liga Qytetare vazhdon të mendojë dhe veprojë me guxim.Në janar, ne bindëm kongresmenin Tom Lantosh, demokratin me pozitë më të lartë në Komitetin për Marrëdhënie Ndërkombëtare të Dhomës së Përfaqësuesve, dhe kongresistin Henry Hyde, kryetarin e këtij Komiteti, të paraqesin një Rezolutë të Kongresit (H.Res. 28) në mbështetje të pavarësisë së Kosovës.
Ne shpresojmë se ju dhe familja e juaj do të na mbështesni
në këtë përpjekje. Ju lutem bëhuni anëtar me kartë anëtarsie i Lobit tonë në Uashington duke klikuar në ikonën e kartës së antarësisë, duke plotësuar aplikimin, dhe duke përdorur kartën e kreditit për të dhënë një kontribut.
Në rast se preferoni, ju mund të postoni aplikimin tuaj në adresën tonë:
P.O. Box 70,
Ossining, NY 10562.Përshëndetje të ngrohta,
Shirley and Joe
