Komente, analiza, opinione, krijimtarie e emigrantëve, gjithshka që ju shqetëson do të jetë objekt i "Tribuna e Emigrantit Shqiptar". Kontaktoni TESH
KONCERTI "PER NJE TINGULL ARBERESH"
Nga Teuta Llalla
KAM ARDHUR TË MARRË BEKIMIN E DHEUT TË ATIT,
BEKIMIN E DHEUT VLONJAT
''Duartrokitjet e publikut shqiptar janë çmimi më i madh në botë për mua.
Koncerti im i parë recital në Shqipëri dhe pikërisht në Vlorë ka qenë ëndrra
dhe shqetësimi i netëve të mia. Aty ku linda, në dheun e atit tim do të
ndëgjohen ndoshta për herë të parë në një përmbledhje të plotë "Këngët
Arbëreshe". Këtë privilegj e kam përcaktuar qysh në fillim të kësaj pune të
madhe që do ti përkiste Vlorës vendit tim të lindjes, dhe jo vetëm sepse unë u linda aty por sepse Vlora është për mua dhe gjithë shqiptarët djepi i
atdhetarizmit, strehëza e ngrohtë dhe mikëpriëse, djepi i lindjes së
pamvarësisë shqiptare, plaga ku dhemb më shumë ndarja e Kosovës, vendi që i dha pa kursim bijtë e vet për të mirën dhe përparimin e kombit shqiptar''.- Kështu u shpreh këngëtari i njohur Lirio Nushi sapo mbrriti në Vlorë.Nën një skenë pothuajse madhështore Lirio u shfaq dhe magjepsi sallën.
Shqiponja e ndarë në mes menjëherë te linte të kuptoje se në atë sallë ju
këndohej "dy gjysmave" shqiptare, asaj që ka ndenjtur në vend dhe asaj që
është larguar prej saj. Nën një ndriçim të fuqishëm dhe nje teknologji
bashkëkohore skena dukej si një ëndër e pakapshme. Shumë artistë madje edhe ata më me emer në Shqipëri do ta kishin zili. Një koncert i tillë
pëshpëritej gjithandej rrallë herë është realizuar edhe në Tiranë. Këngët
magjepsëse arbëreshe dhe njëmbëdhjetë këngë te reja që Lirio kishte
përgatitur posaçërisht për koncertin e tij në Vlorë plotësuan një koncert të
pasur dhe shumë të larmishëm.I ftuar në këtë koncert ishte princi i muzikës së vërtetë pop-shqiptare
Redon Makashi i cili fuqishën në sallë i uroj mirëseardhjen në Shqipëri
Lirios dhe u shpreh se ishte kënaqësi të merrje pjesë në një koncert të
tillë, u ndjeva me të vërtetë artist tha Redoni nën një skenë kaq
madhështore me një ndriçim kaq të fuqishëm dhe me nje teknikë të
mrekullueshme.
Ishin momente të magjishme u shpreh publiçistja Zenepe Luka për koncertin e Lirios. Askush nuk ka bërë një koncert të tillë në Vlorë, me një nivel kaq të lartë artistik. Lirio ky djalosh vlonjat na ka lënë të mahnitur. Ndjehemi krenar që një vlonjat po e përfaqëson kaq denjësisht Shqipërinë edhe jashtë kufijve të saj.
I mrekullueshëm jo vetem fakti se Lirio kendon shume bukur, por mbi te
gjitha, vlersimi i tij per ate qe sot i mungon kultures dhe ndergjegjies
sone kombetare u shpreh Genci Demiri, drejtori i televizionit "Amantia" .
Kur e pyetëm se si i shikon gjërat në Shqipëri në lidhje me artin dhe
shqiptarët Lirio na tha: - Instikti i progresit dhe i kombit tek shqiptaret
per fat te keq funksionon vetem si nje shprehje e te kerkuarit te nje jete
me te mire per veten, duke harruar pothuajse plotësisht nga vijme, kush jemi dhe çdo te behet me ne pas kesaj harrese. Eshte tragjike shprehet Lirio qe edhe ne filozofine e artit tone sot dominon uni dhe rrethi vicioz i
politikes se interesit te ngushte. Këtë shije të hidhur më lanë takimet këto
ditë me emra që sot në Shqipëri përbëjnë të vetquajturën prej tyre "elita e
artit shqiptar".
Gjithashtu dua të shtoj se mungesa e interesit dhe e përkujdesjes nga
organet kompetente shtetërore, meskiniteti dhe mungesa e ndjeshme prej tyre e te kuptuarit te artit si një mision i madh i kombit, e ka bere sot
Shqipërinë të shfaqet përpara botës si nje nocion me vlera te zbehta kur ne
fakt e verteta eshte pothuajse madhështore.
Arti i Lirios buron nga zemra dhe suksesi shpreh fisnikerinë e shpirtit dhe
të artit të tij. Duke dëgjuar këngë nga albumi i tij "Këngë nga Arbëreshët e
Italisë së Jugut-Arbëreshe Songs from Arbëresh of South Italy" bindesh se
nga nje shpirt i madh lind vetëm muzike e madhe. Inoçenca e te kenduarit,
sinqeriteti dhe emocioni i paster të krijojnë ndjesinë e një burimi magjik
dhe të kristalt. Egzistenca e tyre pa maniera dhe efekte te sofistikuara
profesinale apo amatore e vendosin Lirion pa asnjë dyshim një ndër
këngëtarët dhe artistët më të mëdhenj shqiptarë, i cili përbën shpresën e së ardhmes së muzikës shqiptare që do të mbetet ndër breza. Ka dicka ne zerin e tij qe te merr me vehte duke plotësuar kështu protretin e tij vokal dhe
artistik i cili duket se rritet në çdo moment ne koncept dhe teknik e që pa
dyshim do te krijoj nje emer te madh e te vertet të muzikës shqiptare e pse
jo edhe asaj botërore.
Të nesërmen Lirio u largua nga Vlora duke lënë pas një performancë të
shkëlqyer për të vazhduar me pjesmarrjen e tij në ditët e ardhshme në
Festivlin e Këngës Mesdhetare në Kretë të Greqisë.
Duke u larguar ai na përshëndeti duke na thënë:
Sa herë të ndjeni mall për mua, Puthni sikur të jem unë, Detin dhe Tokën e
Shqipërisë.Teuta Llalla Maj 2003
